Plantun de Prouvènço

Pèr coumpara dos planto d'encò nostre

Lithospermum officinale & Romulea columnae

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Lithospermum
Famiho : Boraginaceae

Coulour de la flour : Blanco
Petalo : 5
Ø (o loungour) flour : 3 à 6 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Colo
Estànci : Termoumediterran à Mountagnard
Couroulougi : Éurasiati
Ref. sc. : Lithospermum officinale L., 1753

Roumulèio(-de-Colonna)

Romulea columnae

Iridaceae

Noms en français : Romulée à petites fleurs, Romulée de Colonna.

Descripcioun :
Aquesto roumulèio trachis dins li pelouso sablouso pas trop liuen de la mar o dins li pocho argielouso de garrigo. La fau cerca en fin d'ivèr que flouris d'ouro dins l'annado. Romulea columnae rèsto pas bèn grando. La flour, pulèu pichoto, èi blanco emé lou founs jauno. Li fueio soun longo (6 à 13 cm), bèn verdo e espesso à la baso. La brateolo a lou mitan verd mai estré que li bord.

Usanço :
Couneissèn pas d'usanço particuliero pèr aquelo planto. D'estùdi d'aro an moustra qu'avié de prouprieta anti-óussidanto.

Port : Erbo
Taio : 3 à 15 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Romulea
Famiho : Iridaceae

Ordre : Iridaceae

Coulour de la flour : Jauno
Petalo : 6
Ø (o loungour) flour : 6 à 8 mm
Flourido : Printèms Ivèr

Sòu : Si (Ca)
Autour basso e auto : 0 à 50 m
Aparado : Noun
Febrié à mars

Liò : Pelouso umido - Prado marino - Trepadou - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Romulea columnae Sebast. & Mauri, 1818

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lithospermum officinale & Romulea columnae

Coumpara Erbo-di-perlo emé uno autro planto

Coumpara Roumulèio(-de-Colonna) emé uno autro planto